Қазақстан Республикасының «Қоғамдық кеңестер туралы» Заңын іске асыру мақсатында, 2021 жылдың 22 қарашасында Қазақстан Республикасы Үкіметінің № 828 қаулысымен бекітілген «Самұрық-Қазына» ұлттық әл-ауқат қоры» акционерлік қоғамының Қоғамдық кеңесі жөніндегі Ережесіне сәйкес «Самұрық-Қазына» АҚ Қоғамдық кеңесін қалыптастыру жөніндегі жұмыс тобы құрылып, оның құрамына келесілер енді: 

1) Өмірзақов Елдос Өмірзақұлы – «Әлеуметтік өзара ықпалдастық және коммуникация орталығы» ЖМ бас директоры;

2) Әбілдаев Алмаз Сызғанбекұлы – қоғам қайраткері, энергетика саласындағы сарапшы;

3) Мұхамедсәлиев Марат Охапұлы – «Самұрық-Қазына» АҚ Қоғаммен байланыс департаментінің директоры.

«Самұрық-Қазына» АҚ Қоғамдық кеңесін қалыптастыру жөніндегі жұмыс тобы келесі шешім қабылдады:  

1) «Самұрық-Қазына» АҚ Қоғамдық кеңесі мүшелерінің санын 10 (он) адам болсын деп белгілеу туралы.  

2) Қоғамдық кеңес мүшелерін сайлау жөніндегі конкурс туралы хабарландыруды «Самұрық-Қазына» АҚ ресми сайтында 2021 ж. 8 желтоқсанында орналастыру туралы.