Бүгін «Самұрық-Қазына» АҚ Басқарма төрағасы Алмасадам Сәтқалиев ТМД мен Орталық Азиядағы J.P. Morgan халықаралық инвестициялық банкінің басшылары Ян Тавровский және Тимур Құнанбаев мырзалармен кездесті.

Тараптар «ҚазМұнайГаз» ҰК» АҚ мен «Эйр Астана» АҚ компанияларының IPO-ға шығу перспективаларын және өңірдегі геосаяси жағдайға байланысты, IPO-ны өткізу құрылымындағы ықтимал түзетулерді талқылады.

Бұған дейін Қор 2018 жылы «Қазатомөнеркәсіп» ҰАК» АҚ-ны IPO-ға шығару және кейін 2019 жылы қайталама орналастыру шеңберінде, J.P. Morgan банкімен ынтымақтастық жасаған болатын.