«Самұрық-Қазына» АҚ Қоғамдық кеңесінің төрағасы Болат Жәмішев Директорлар кеңесінің мүшесі, Қордың тәуелсіз директоры болып сайланды. 

Қоғамдық кеңестің басшысын Директорлар кеңесіне қосу – «Самұрық-Қазына» қызметіне қоғамның бақылауын арттыру бағдарламаның бір бөлігі. 

«Самұрық-Қазына» АҚ Қоғамдық кеңесі 2021 жылдың желтоқсан айында кандидаттарды ашық конкурстық іріктеу арқылы құрылды. Оның құрамы: азаматтық қоғамның жеті өкілі және Қордың үш өкілінен құралған он адамнан тұрады. Кеңес Қордың және оның портфельдік компанияларының да қызметіне қоғамдық бақылауды жүзеге асырады. Кеңес мүшелерінің жұмысы қоғамдық негізде құрылған. 

Әр жылдары Болат Жәмішев Қаржы министрі, Өңірлік даму министрі, Ұлттық Банк төрағасының орынбасары; Қаржы ұйымдарын реттеу және қадағалау агенттігінің төрағасы, Еуразиялық Даму Банкі Басқармасы төрағасының орынбасары қызметтерін атқарды. Экономика ғылымдарының кандидаты.