Астана халықаралық форумы аясында Самұрық-Қазына, ҚР Энергетика министрлігі, Жетісу облысы әкімдігі және ACWA power компаниясының басшылығы Жоңғар қақпасы ауданында электр энергиясын жинақтау жүйесі бар қуаты 1 ГВт жел электр станциясын салу жөніндегі жобаны іске асыру мәселелерін талқылау үшін бас қосты.

Тараптар ЖЭС жобасын іске асыру жөніндегі негізгі іс-шараларды, жауапты іс-шараларды және мерзімдерді айқындайтын Күнтізбелік іс-шаралар жоспарына (жол картасына) қол қойды.

Құжат Мемлекет басшысының 2022 жылы Джедда қаласына барғансапары мен биыл Сауд Арабиясында қол қойылған Қағидаттар туралы келісімнің шеңберінде қол жеткізілген уағдаластықтардың жалғасы.

Анықтама: ACWA Power жаңартылатын энергия көздері, атап айтқанда, электр энергиясы мен тұщыландырылған су өндірісі бойынша әлемдегі жетекші компаниялардың бірі.

​Компанияның энергетикалық портфеліне 12 елдегі 77 актив кіреді. Жобалардың жиынтық қуаты 50,4 ГВт электр энергиясынан асады, ал компанияның жобаларға инвестицияларының жалпы көлемі шамамен 78,2 млрд АҚШД-ны құрайды.