Бүгін «Самұрық-Қазына» АҚ Басқарма төрағасы Нұрлан Жақыпов «Kazzinc Holdings» ЖШС Директорлар кеңесінің төрағасы Николай Поповичпен және «Қазмырыш» ЖШС-ның Бас директоры Александр Хмелевпен кездесті.

Қордың портфельдік компаниясы – «Тау-Кен Самұрық» ҰТК» АҚ 2013 жылдан бері «Қазмырыш» ЖШС-ның 29,82% үлесін иеленеді, бұл ретте мажоритарлық үлесі швейцариялық «Glencore» компаниясына тиесілі.

«Қазмырыш» - Қазақстанның түсті металлургия көшбасшыларының бірі және Қор құрылымындағы маңызды актив. Компания мыс, бағалы металдар және қорғасын өндірісінің үлкен үлесі бар ірі интеграцияланған мырыш өндірушісі болып табылады.

Тараптар тау-кен металлургия секторындағы әлемдік трендтерді талқылап, «Қазмырыш» қызметін дамыту бойынша ұсыныстармен алмасты.

Кездесу қорытындысы бойынша ынтымақтастықтың перспективалық бағыттарын зерделеу туралы уағдаластыққа қол жеткізілді.