Бүгін «Самұрық-Қазына» АҚ Басқарма төрағасы Нұрлан Жақыпов БАӘ Инвестициялар министрі Мохамед Хасан Алсувайдимен кездесті.
Кездесу барысында Самұрық-Қазына, БАӘ Инвестициялар министрлігі және ҚР Цифрлық даму, инновациялар және аэроғарыш өнеркәсібі министрлігі арасында Өзара түсіністік туралы меморандумға қол қойылды.

Стратегиялық құжат ҚР аумағында іске асырылатын деректерді өңдеу орталықтары жобаларына инвестициялар үшін негіз құруға бағытталған.

Қазақстанда дата-орталықтар нарығының дамуы байқалады, бұл есептеу ресурстарына қажеттіліктің артуына, прогрессивті мемлекеттік саясатқа және жасанды интеллект саласындағы жетістіктерге байланысты.

Қол қойылған құжат екі ел арасындағы берік әрі тиімді ынтымақтастықты қалыптастыруға бағытталған. Сондай-ақ тиісті бастамаларды қолдау және білім алмасуға жәрдемдесу үшін ынталандыруды енгізу көзделеді.