Медициналық қызметтер Маңғыстау облысы Түпқараған ауданына қарасты Ақшұқыр және Сайын ауылында тұратын 25 мың тұрғын үшін қолжетімді болмақ.

Ақшұқырдағы амбулаторияда алғаш рет қойылған New Oriental 1000ub рентген аппараты арқылы екі ауылдың тұрғындары жедел түрде диагностикадан өте алады.

Келген науқастарға бронх-өкпе, жүрек-тамыр жүйесі аурулары, профилактикалық мақсаттар үшін кеуде органдарының рентгенографиясы, буын аурулары, омыртқа аурулары, жарақаттар үшін сүйек-буын жүйесін тексеру секілді медициналық шаралары көрсетіледі.

«Қор үшін өңірлерді дамыту басты назарда. Сондықтан ауыл тұрғындарының ұсынысы назардан тыс қалмады. 2016 жылдан бері Маңғыстау облысында 48 әлеуметтік жоба жүзеге асырылып, бұл игі үрдіс биыл да жалғасын тауып жатыр», - деп атап өтті «Самұрық-Қазына» АҚ корпоративтік басқару, әлеуметтік-еңбек қатынастары және еңбекті қорғау жөніндегі басқарушы директоры Ғибрат Ауғанов.

«Самұрық-Қазына» АҚ қызметі туралы ақпараттарды қордың ресми парақшасынан оқи аласыз @samrukkazyna_official