Кеңеске 400-ден астам адам қатысады, бұл қатарда екі елдің ірі бизнес өкілдері бар.

Шара барысында энергетика, өндірістік қауіпсіздік, ШОБ-ты дамыту және логитикаға арналған панелдік сессиялар жоспарланған, сондай-ақ бірқатар екі жақты құжаттарға қол қою көзделіп отыр.

Кеңес Қазақстан және Қытай бизнес ортасы үшін пікір алмасу алаңына айналмақ, бұған қоса сауда-экономикалық және инвестициялық ынтымақтастықты жандандыруды көздейді.

Қор басшысы Нұрлан Жақыпов – Қазақстан-қытай іскерлік кеңесінің тең төрағасы, ал қытайлық тараптан бұл позиция CITIC Group Директорлар кеңесінің төрағасына тиесілі.

Естеріңізге сала кетейік, Астанада 3-4 шілдеде Шанхай ынтымақтастық ұйымының саммиті өтеді. Бұл жолы ШЫҰ-на Қазақстан төрағалық етеді.

Кеңес отырысы ҚХР төрағасы Си Цзиньпиннің ресми сапарына орайластырылды.

Тіркелу үшін осы сілтемеге өтіңіз.