Тараптар электр энергетикасы, соның ішінде жаңартылатын энергия көздері саласындағы жобалар бойынша ынтымақтастық мәселелерін талқылады. Электр жеткізу желілеріне арналған металл тіректерді, сондай-ақ энергия жүйесінің жұмысын тұрақтандыру үшін энергияны сақтау жүйелерін өндіруді локализациялау мүмкіндіктеріне ерекше назар аударылды.

Естеріңізге сала кетейік, 2 шілде күні өткен Қазақстан-Қытай іскерлік кеңесінің алаңында Қор мен China Energy Overseas Investment (China Energy International Group еншілес компаниясы) жаңартылатын энергия көздері саласында өзара түсіністік жөніндегі келісімге қол қойды.

China Energy International Group – көмір өндіру, жылу энергетикасы, жел энергетикасы, көмірді қайта өңдеу және су өнеркәсібі саласындағы әлемдегі ең ірі компания саналады.