«АЭС Шүлбі ГЭС» ЖШС аумағында биыл көктемгі су тасқынын қауіпсіз өткізу бойынша объектілік жаттығу өтті. 

Жаттығуға ҚР ТЖМ Абай облысы Төтенше жағдайлар департаментінің, «Самұрық-Қазына» АҚ және «Самұрық-Энерго» АҚ өкілдері қатысты.

Жаттығу ескерту жүйесінің, авариялық-құтқару қызметтері мен құралымдарының төтенше жағдайды жою және су тасқынының ықтимал зардаптарынан болатын шығынды азайту жұмыстарын орындауға жарамдылығын тексеруге бағытталған.

Барлық жоспарланған іс-әрекеттерді орындағаннан кейін қатысушылардың іс-әрекеттері талданды, күштер мен құралдардың жинақталуы бағаланды, сондай-ақ әр құрылымның жұмыс тиімділігінің қорытындылары шығарылды.