Тараптар квазимемлекеттік сектордың сатып алу жүйесін жетілдіру мәселесін талқылады.

Нұрлан Жақыпов Қорда отандық өндірушілерді қолдауға бағытталған 16 шара әзірленгенін атап өтті. Бұл шаралардың кейбірі – бірегей, мұндай басқа реттелетін сатып алу жүйелерінде жоқ.

Мысалы, «Самұрық-Қазынада» отандық тауар өндірушілерге (ОТӨ) сөзсіз басымдық беріледі, ұзақ мерзімді офтейк-келісімшарттар жасалады, алдын ала төлем мен жедел төлеу қарастырылған, сондай-ақ ОТӨ өнімдері жұмыс пен қызметтің құрамына енгізіледі.

Сондықтан қазіргі сатып алу жүйесінің тиімді үлгісін сақтау маңызды, – деді Жақыпов кездесу барысында.

Өз кезегінде, Райымбек Баталов Топта қазақстандық өндірушілерді қолдаудың тиімді жүйесі қалыптасқанын және оның оң нәтижелер беріп жатқанын атап өтті.

Бұған дейін Қордың сатып алу жүйесін Еуропа қайта құру және даму банкі, Азия даму банкі және Экономикалық ынтымақтастық пен даму ұйымы сияқты әлемдік компаниялар халықаралық озық стандарттарға сай деп мойындады.

Қордың портфельдік компаниясы – KEGOC – «Самұрық-Қазынаның» сатып алу ережелерін қолданады. Осыған байланысты ЕҚҚДБ KEGOC компаниясына қаржы бөліп, тауарлар, жұмыстар мен қызметтерді өз рәсімдерімен емес, «Самұрық-Қазынаның» ережелері бойынша сатып алуға рұқсат берді.