Кездесу барысында Нұрлан Жақыпов аталған банктің Қазақстандағы стратегиялық жобаларды қолдаудағы маңызын атап өтті. Серіктестіктің сәтті болуына мысал ретінде екі негізгі жоба аталды:

• Атырау мұнай өңдеу зауыты («ҚазМұнайГаз» АҚ). 2012 жылы Қытайдың Эксимбанкі Атырау МӨЗ-да мұнайды терең өңдеу кешенінің құрылысына $1,13 млрд бөлген.

• Локомотив паркін жаңарту (ҚТЖ). 2023 жылы қазанда «ҚТЖ» АҚ мен CRRC компаниясы 200 дизельді локомотивті жеткізу бойынша Негіздемелік келісімге қол қойды. Жобаны Қытайдың Эксимбанкі қаржыландырады, сондай-ақ Семей, Атырау, Маңғыстау облысы және басқа өңірлерде сервис орталықтарын салу қарастырылған.

«Қор банктің инфрақұрылымды дамытуға қосқан үлесін жоғары бағалайды және серіктестікті одан әрі нығайтуға ұмтылады», - деді Жақыпов.