Тараптар биыл күзде ШЫҰ аясында Бейжіңде өтуі тиіс Қазақстан-Қытай іскерлік кеңесінің 8-отырысын ұйымдастыру мәселелерін талқылады.

«Самұрық-Қазына» ҚХСЖК-мен бірлесіп Қазақстан-Қытай іскерлік кеңесінің ұйымдастыру жұмыстарын атқарады. Қор басшысы Нұрлан Жақыпов пен CITIC Group директорлар кеңесінің төрағасы Си Гоухуа кеңестің тең төрағалары.

Қазақстан-Қытай іскерлік кеңесі – екі елдің іскерлік тараптары арасындағы диалог алаңы қызметін атқарады және сауда-экономикалық әрі инвестициялық серіктестікті жандандыру үшін құрылған.

Былтыр ҚХР Төрағасы Си Цзиньпиннің Қазақстанға сапары аясында Астанада Кеңестің 7-отырысы өткен. Оның барысында 3,7 млрд доллар сомасындағы 45 құжатқа қол қойылды.