Тараптар серіктестік мәселелері мен қордың портфельдік компанияларымен бірлескен бастамаларын, соның ішінде жаңартылатын энергия көздері саласындағы ынтымақтастықты талқылады. Әсіресе, биыл 2 қыркүйекте өткен Қазақстан-Қытай іскерлік кеңесі аясында негізі қаланған серіктестікті дамытуға ерекше назар аударылды.

Сондай-ақ, Солтүстік–Оңтүстік тұрақты тоқ желісін салу шеңберінде EPC-шарттың негізгі параметрлері бойынша Негіздемелік келісімнің және Қазақстанның энергетикасы бойынша ғылыми зерттеулер мен цифрлық трансформация саласындағы серіктестік туралы стратегиялық келісімнің іске асырылу барысы талқыланды.

Бұдан бөлек, заманауи Деректер орталығын салу жобасының перспективалары қарастырылды.