Тараптар екіжақты ынтымақтастықтың перспективаларын талқылады. Сондай-ақ, бірлескен инвестициялық платформа құру туралы Меморандумға қол қойылды.

«Біз Fauji Foundation компаниясын Пәкістандағы ірі әрі беделді бизнес-топтардың бірі ретінде жоғары бағалаймыз. Бұл – экономиканың негізгі салаларында әртараптандырылған портфелі бар, әлеуметтік бағыттағы бірегей құрылым», – деді кездесуде Нұрлан Жақыпов.

Fauji Foundation - Пәкістанда 1954 жылы құрылған ірі бизнес-топтардың бірі. Негізгі мақсаты – коммерциялық қызмет арқылы тұрақты табыс қалыптастырып, түскен қаражатты білім беру, денсаулық сақтау және ардагерлердің әл-ауқатын арттыру бағытындағы әлеуметтік бағдарламаларды қаржыландыруға бағыттау.