Air Products (АҚШ) компаниясының Еуропа және Африка өңірлері бойынша президенті Иво Болспен кездесуге «Самұрық-Қазына» АҚ басқарма төрағасы Нұрлан Жақыпов пен салалық министрліктердің басшылары қатысты.

Жиында өнеркәсіптік кооперацияны кеңейту, озық технологияларды енгізу және газ-химия саласындағы бірлескен инвестициялық жобаларды іске асыру перспективалары талқыланды, деп хабарлады Премьер-министрдің баспасөз қызметі.

Сонымен қатар, «Самұрық-Қазынада» қордың басқарушы директоры Елжас Отыншиев Air Products басшылығымен кездесті.

Тараптар мұнай-газ және газ-химия саласындағы серіктестік перспективаларын талқылады.

Air Products – өнеркәсіптік газдар индустриясында қызмет ететін халықаралық көшбасшы. Компания әлемнің 50-ден астам елінде жұмыс істейді.