Қол қойылған құжаттар тізімі:

• «Самұрық-Қазына» мен YDA Holding арасындағы ауруханалар құрылысына қаржы тарту жөніндегі ынтымақтастық туралы келісім.

Құжат бойынша Түркістан және Петропавл қалаларындағы көпбейінді ауруханалардың құрылысын аяқтауға және пайдалануға беру үшін қаржы тарту, кейін нысандарды мемлекет меншігіне беру көзделген.

• «ҚазМұнайГаз» АҚ мен Türkiye Petrolleri Anonim Ortaklığı (TPAO) арасындағы мұнай сервистік қызметтер саласындағы ынтымақтастық туралы келісім.

Құжат Қазақстанда, Түркияда және үшінші елдерде жобаларды іске асыру үшін мұнай сервистік активтерді тарту бойынша бірлескен жұмысты қарастырады.

• «Самұрық-Қазына» мен Türkiye Petrolleri Anonim Ortaklığı арасындағы өзара түсіністік туралы меморандум.

Құжат мұнай-газ саласындағы ынтымақтастықтың негізгі шарттарын, соның ішінде инвестициялар тарту мен бірлескен жобаларды, оның ішінде Каспий теңізінің қазақстандық секторындағы жобаларды іске асыру мүмкіндігін бекітеді.

Қол қойылған құжаттар Қазақстан мен Түркия арасындағы инвестициялық ынтымақтастықты нығайтуға және стратегиялық серіктестікті дамытуға бағытталған.