Кездесу барысында тараптар Қазақстан мен Қытай арасындағы сауда-экономикалық ынтымақтастықтың негізгі бағыттарының бірі саналатын трансшекаралық электрондық коммерция мен халықаралық логистика саласындағы ынтымақтастықты дамыту мәселелерін талқылады.

YTO Express пен «Қазпошта» АҚ арасындағы серіктестікті дамытуға ерекше назар аударылды. Тараптар Qazpost-YTO бірлескен кәсіпорын қызметінің нәтижелерін атап өтті. Аталған кәсіпорынның 40% үлесі «Қазпоштаға», 60%-ы YTO Express компаниясына тиесілі.

Екі жыл ішінде бірлескен кәсіпорын Қытайдан жеткізілген 11,4 миллионнан астам сәлемдемені өңдеді. Ал оның өткізу қабілеті тәулігіне 8 мыңнан 20 мың жөнелтілімге дейін ұлғайды.

Тараптар серіктестікті одан әрі нығайтуға, логистикалық инфрақұрылымды дамытуға және Қазақстан мен Қытай арасындағы трансшекаралық тасымалдар көлемін арттыруға өзара мүдделі екенін растады.