Кездесу барысында тараптар климаттық технологиялар, таза энергетика және төмен көміртекті даму салаларындағы ынтымақтастық перспективаларын талқылады.

Нұрлан Жақыпов активтері 88 млрд доллардан асатын, әлемдегі ірі әл-ауқат қорларының бірі саналатын «Самұрық-Қазынаның» тікелей шетелдік инвестицияларды тартуға және Қазақстанның тұрақты экономикалық дамуына ықпал ететін жобаларды дамытуға мүдделі екенін атап өтті.

Кездесуде Full Vision Capital компаниясының еншілес ұйымы – экологиялық таза авиациялық отын (SAF) өндіру бойынша әлемдік көшбасшылардың бірі EcoCeres компаниясымен серіктестік орнату мүмкіндіктеріне ерекше назар аударылды.

Full Vision Capital – 2014 жылы доктор Питер Ли Ка-кит негізін қалаған отбасылық инвестициялық кеңсе. Компания климаттық және «жасыл» технологияларға инвестиция салумен айналысады.