«Самұрық-Қазына» АҚ басқарма төрағасы Нұрлан Жақыпов CITIC Group Corporation вице-президенті Бао Цзяньминмен кездесу өткізді.

Жиында CITIC Group Қазақстандағы қордың негізгі серіктестерінің бірі екені айтылды. Көп жылдан бері қор тобы мен CITIC мұнай-газ, мұнай-химия және инфрақұрылым салаларында бірлескен жобаларды іске асырып келеді.

Тараптар стратегиялық әріптестікті одан әрі дамытуды және ынтымақтастықтың жаңа бағыттарын талқылады.

CITIC Group – қаржы-банк қызметі, сақтандыру, өнеркәсіп пен құрылыс, энергетика, көлік және телекоммуникация салаларына инвестиция салумен айналысатын ірі мемлекеттік конгломерат.