«KEGOC» компаниясында қор басшысы Нұрлан Жақыповтың және «Самұрық-Қазына» тобына кіретін портфельдік компаниялардың IT бағыттарына жетекшілік ететін басшылардың қатысуымен ЖИ және цифрлық шешімдердің таныстырылымы өтті.

KEGOC электр энергетикасы жүйесін басқарудың тиімділігі мен сенімділігін арттыруға бағытталған технологияларды таныстырды. Олар электр энергиясын өндіру мен тұтынуды болжаудан бастап, диспетчерлік шешімдерді қолдау және өндірістік қауіпсіздікті қамтамасыз ету сияқты міндеттерді қамтиды.

«Цифрландыру және жасанды интеллектіні қолдану тиімділікті, сенімділік пен қауіпсіздікті арттыруы тиіс. Ең үздік шешімдердің ауқымын кеңейту, олардың өндірісте нақты нәтиже беруі маңызды», – деді Нұрлан Жақыпов.